Այսօր «Վարդաշեն» ՔԿՀ-ում այցելել եմ հացադուլի մեջ գտնվող Շանթ Հարությունյանին և Վարդան Վարդանյանին

Էդմոն Մարուքյանը ֆեյսբուքյան իր էջում գրում է.

Իմ երկարամյա իրավապաշտպան գործունեությանը հավատարիմ` այսօր այցելել եմ «Վարդաշեն» ՔԿՀ և հանդիպել հացադուլի մեջ գտնվող Շանթ Հարությունյանին և Վարդան Վարդանյանին` կապված Շանթ Հարությունյանի` իր կյանքին վտանգ սպառնալու մասին հայտարարության հետ: Այցելության ընթացքում առանձնազրույց եմ ունեցել նրանց հետ, ուսումնասիրել հացադուլի մեջ գտնվողների պահման պայմանները և նրանց խնդրել, որ դադարեցնեն հացադուլը:

Շանթ Հարությունյանը դիմում է ներկայացրել իրեն առանձին խուց տեղափոխելու, այն է` կիսաբաց ռեժիմից կիսափակի անցնելու մասին, որը, ըստ էության, ռեժիմի խստացում է, սակայն դա նույնպես դատապարտյալի իրավունքն է: Նշված դիմումի քննարկումը ՔԿՀ համակարգի տեղաբաշխման հանձնաժողովի իրավասությունների շրջանակում է, որը, հուսով եմ, կբավարարվի:

Վարդան Վարդանյանը հացադուլ է հայտարարել ի պաշտպանություն իր ընկերոջ` Շանթ Հարությունյանի, որի պահանջի բավարարման պարագայում նա կդադարեցնի հացադուլը:

Քրեակատարողական հիմնարկի վարչակազմից բողոքներ չեն արձանագրվել:

Աղբյուր՝ pressmedia.am

Բաժին: featured, Մամուլ