Պատերազմի սպառնալիքի պարագայում մենք մի անելիք ենք միշտ ունեցել․․․

Ուզում եմ հստակ արձանագրել, որ պատերազմի սպառնալիքի պարագայում մենք մի անելիք ենք միշտ ունեցել՝ մեր ներդրումն ունենալ բոլոր այն ոլորտներում, որտեղ ներուժ ունենք՝ որպես կուսակցություն ու պրոֆեսիոնալ մարդկանց թիմ: Այս պահին գտնվում եմ Նյու Յորքում, որտեղ միջազգային իրավապաշտպան կառույցների հետ հանդիպումներ և անմիջական տեղեկատվության փոխանակում եմ իրականացնում: Այցիս առաջին օրը համընկավ ադրբեջանական ագրեսիայի նոր ակտի հետ, և հետևաբար, իմ այցի ամբողջ առաքելությունն ու տրամաբանությունը դարձավ եղած կապերն ու անձամբ այստեղ գտնվելու հնարավորությունը ծառայացնելը մեր ազգային շահին:

Թող որոշ մարդիկ էլ շարունակեն պատերազմական պայմաններում տարաձայնություն չփնտրող, այլ բոլորին մեկ՝ մեր պետությունը պաշտպանելու նպատակի շուրջ համախմբելու կոչ անող ու գործ անողին ձեռք առնել կամ պիտակավորել:

Բնականաբար, խաղաղ ժամանակներում մենք ձեզ կհիշենք ու կհիշեցնենք, թե դուք ինչով էիք զբաղված, երբ մեր երկիրն ու խաղաղությունը վտանգված էին: