ԱԺ պատգամավոր. Կառավարման այսօրվա համակարգը դեռ սպառված չէ

20/05/2014

Կառավարման այսօրվա համակարգը, եթե ամբողջությամբ կիրառվի, իրեն դեռ չի սպառել, հնարավոր է զարգացնել: «Հայաստանում սահմանադրական բարեփոխումների նախնական հայեցակարգի» թեմայով հանրային քննարկման ժամանակ լրագրողների հետ ճեպազրույցում նման կարծիք հայտնեց ԱԺ պատգամավոր Էդմոն Մարուքյանը:

Ըստ նրա, մեր երկրում առկա հիմնական խնդիրները թաղված են քաղաքական համակարգում ոչ թե դրանց սահմանադրական լուծումների մեջ:

Նա նշեց, որ քաղաքական համակարգի վրա ազդեցություն կունենա, եթե Սահմանադրական դատարանի որոշումները ճիշտ դրվեն, կիրառվեն:

«Եթե սահմանադրական բարեփոխումների հանրաքվե լինի, գոնե պետք է նվազագույն շեմը լինի այդ խնդիրների լուծումը, որ քաղաքական համակարգն առողջանա, լինի մրցակցային քաղաքականություն, ինչը կարտացոլվի նաև մյուս համակարգերի վրա»,- ասաց պատգամավորը:

Աղբյուր` Panorama.am

Բաժին: Մամուլ