Խորհրդարան են այցելել Երեւանի «Վարդանանց ասպետներ» թիվ 106 հիմնական դպրոցի աշակերտները

26/03/2019

ՀՀ ԱԺ «Բաց դռներ» ծրագրի շրջանակում մարտի 26-ին խորհրդարան էին այցելել Երեւանի «Վարդանանց ասպետներ» թիվ 106 հիմնական դպրոցի աշակերտներն ու ուսուցիչները:  Հյուրերը շրջել են Ազգային ժողովի շենքում, հետեւել  հերթական նիստերի աշխատանքին:

Նրանց հետ հանդիպել եւ «Բաց դաս» է անցկացրել «Լուսավոր Հայաստան» խմբակցության ղեկավար Էդմոն Մարուքյանը:

Աշակերտները խմբակցության ղեկավարին ուղղել են հարցեր, որոնք վերաբերել են կրթության ոլորտի խնդիրներին, աշխատաշուկայում պահանջված մասնագիտություն ընտրելուն, Լեռնային Ղարաբաղի հիմնախնդրի կարգավորման գործընթացին: Էդմոն Մարուքյանն անդրադարձել է նաեւ գործազրկության վերացմանը, տնտեսության զարգացմանը,  արտագաղթին վերաբերող խնդիրներին:

Ծավալված անկաշկանդ զրույցի ընթացքում պատգամավորը դպրոցականներին  հորդորել է ապագային նայել հույսով ու հավատով, լինել պահանջատեր եւ լավ սովորել, ընդգծելով, որ երկրի զարգացման շարժիչ ուժը երիտասարդությունն է:

Հանդիպմանը մասնակցել  է ՀՀ ԱԺ պատգամավոր Աննա Կոստանյանը:

Բաց դասի մասնակիցները լուսանկարվել են ԱԺ նիստերի դահլիճում:

 

Աղբյուրը՝ parliament.am

Բաժին: featured