Մարուքյան. ԼՂ հիմնախնդրով միջազգային հանրության հետ պետք է լավ աշխատանք տարվի

«Եթե ես բանակում ծառայած չլինեի,  այսօր ես չէի լինի այն, ինչ կամ»,- Հաղթանակի զբոսայգում լրագրողների հետ զրույցում ասաց ԱԺ «Լուսավոր Հայաստան»  խմբակցության ղեկավար Էդմոն Մարուքյանը։

Նա նշեց, որ հայրենիքի պաշտպանությանը պետք է բոլորը մասնակցել։

Խոսելով արցախյան հակամարտության հիմնախնդրի  մասին, Է. Մարուքյանն ասաց, որ միջազգային հանրության հետ պետք է լավ աշխատանք տարվի։

«Ադրբեջանն առանձին վերցած չի ասելու թող  Արցախը վերադառնա։ Պետք է միջազգային հանրությունը ձևավորի այդ կարծիքը, որ դա լինի անքննարկելի հարց։ Այդ պարագայում Ադրբեջանը չի կարող ասել ոչ։ Մեր արտաքին  գերատեսչությունը, դիվանագիտական կորոպուսն օրնիբուն պետք է աշխատեն, որ Արցախի հարցով  միջազգային հանրությունն ունենա ձևավորված կարծիք»,- ասաց Է. Մարուքյանը։

Նա նշեց, որ իրենք իրենց աշխատանքն անում են, ԱԳՆ-ին, արտգործնախարարին էլ  ասել են, որ հայկական  դեսապանատները, դիվանագիտական ծառայությունները չպետք է հանգիստ ռեժիմով նստեն, պետք է խնդիրները վերևից հրահանգավորվեն, այսինքն ԱԳՆ-ից։

 

Աղբյուր` Panorama.am

Բաժին: featured, Հարցազրույցներ