Տիկին Փոստանջյան, խնդրում եմ՝ այլեւս նման նախագիծ չներկայացնեք. Էդմոն Մարուքյան

ԱԺ անկախ պատգամավոր Էդմոն Մարուքյանն այսօր ԱԺ ամբիոնից հայտարարեց, որ ամեն ինչ կանի, որպեսզի «Ժառանգության» պատգամավոր Զարուհի Փոստանջյանն իր նախագիծը հետ վերցնի:

ԱԺ-ն արտահերթության կարգով քննարկում է տիկին Փոստանջյանի ներկայացրած ԱԺ որոշման նախագիծը «ԼՂՀ եւ ՀՀ անվտանգության ապահովման ռազմաքաղաքական հիմնադրույթների հայեցակետերի մասին»:

«Տիկին Փոստանջյան, խնդրում եմ՝ այլեւս նման նախագիծ չներկայացնեք: Ես հիմա կբացատրեմ, թե ինչու: Իրավական առումով ԱԺ-ն նման լիազորություններ չունի, որ որոշում ընդունի. լավագույն դեպքում կարող է օրենք կամ հայտարարություն ընդունի: Կարծում եմ՝ այլեւս չպետք է բոյկոտել նախորդ անգամների նման այս նախագիծը, որոնցից մեկը եղել եմ նաեւ ես, քանի որ հարցը արժեզրկվում է: Ես էլ եմ դեմ ԵՏՄ-ին. «Բայց անընդհատ ՀՀ եւ ԼՂՀ միջեւ մաքսակետերի տեղադրման հարցը քննարկման առարկա դարձնելու իմաստը ո՞րն է: Ադրբեջանը ամեն կերպ ուզում է արժեզրկել ու կասկածի տակ դնել Մինսկի խումբը, հիմա մենք ինչո՞ւ ենք նման բան անում, ի՞նչ խնդիր ենք սրանով դնում»,- հայտարարեց նա:

Ի պաշտպանություն Զարուհի Փոստանջյանի ներկայացրած նախագծի՝ «Ժառանգություն» խմբակցության ղեկավար Ռուբեն Հակոբյանը հայտարարեց, որ արդեն 22 տարի է՝ այս հարցը կա օրակարգում, սակայն ամեն անգամ քննարկումը հետաձգվում է:

Աղբյուր՝ hayeli.am

Բաժին: Մամուլ