Էդմոն ՄԱՐՈՒՔՅԱՆ.«Եթե ռեփեր լինեի, ԿԲՈՂՈՔԵԻ ՄԱՐԴԿԱՆՑ ԱՆՏԱՐԲԵՐՈՒԹՅՈՒՆԻՑ»

Asekose.am-ի  և ՄԵԳԱՊՈԼԻՍ ԱՄՍԱԳՐԻհարցերին պատասխանում   է  ՀՀ ԱԺ պատգամավոր, իրավապաշտպան-փաստաբան Էդմոն Մարուքյանը:

 – Ձեր մասին երբևէ լսած ասեկոսեներից ո՞րն էՁեզ ամենից շատ զայրացրել և ո՞րը`զվարճացրել:

– Նախընտրական քարոզարշավի ժամանակ տարբեր ասեկոսեներ էին տարածվում, որոնցից ամենազայրացնողն ու միաժամանակ զվարճացնողն այն էր, որ լուրեր էին տարածվում,  թե իբրև ես առաջադրվել եմ իմ մրցակցին օգնելու համար:

– Կարո՞ղ եք հիշել` որն է եղել Ձեր մանկության ամենամեծ վախը:

– Ճիշտն ասած` չեմ հիշում, որ ինչ-որ բանից կամ ինչ-որ մեկից վախեցած լինեմ:

– Ձեր բնավորության գծերից ո՞րը կցանկանայիք նվիրել Ձեր թշնամուն:

–  Խոնարհությունը:

–Ինչպե՞ս եք վերաբերվում այն մտքին, որ մարդիկ իրականում պատրաստ են վաճառել ամեն ինչ, միայն թե առաջարկվող գինը իրենց գոհացնի:

– Ամեն ինչ վաճառելուն պատրաստ մարդկանց վատ եմ վերաբերվում:

– Եթե հնարավորություն ունենայիք սեփական կյանքով փրկագինվճարել 

մեկ հոգու համար, ո՞վ կլիներ այդ մեկը:

– Ընկերս:

– Եթե կարողանայիք Ձեր ուղեղից անվերադարձ ջնջել մեկհիշողություն, 

ո՞րը դա կլիներ:

– 1988 թվականի դեկտեմբերի 7-ի երկրաշարժը ու դրան հետևած ապրումները:

– Դեպք, որը չէիք ցանկանա ջնջվեր Ձեր հիշողությունից:

– Չկան այլ դեպքեր որ կցանկանայի ջնջվեր իմ հիշողությունից:

– Մարդիկ, որոնց բացակայությունը Ձեր կյանքում չեք պատկերացնում:

– Ընտանիքս, հարազատներս, ընկերներս:

– Մի պահ ենթադրենք, որ մարդիկ ունենում են մի քանի կյանք. Ձեր հաջորդ կյանքում ո՞վկամ ի՞նչ կցանկանայիք լինել:

– Չեմ կարող ենթադրել, քանի որ Հայ Առաքելական Սուրբ եկեղեցու հետևորդ եմ, որի դավանաբանության մեջ հաջորդ կյանքի գաղափար չկա:

– Կա՞ մի հայտնի ասացվածք, կամ թևավոր խոսք, որը Դուք ընտրել եք որպես կյանքի ուղեցույց:

–  Ոսկե կանոնը` ամեն ինչ որ կամենում էք՝ թէ ձեզ անեն մարդիկ, այնպես էլ դուք արեք նրանց: ՄՏԹ. 7:12:

– Ի՞նչ է Ձեզ համար փողը:

-Միջոց:

– Եթե ռեփեր լինեք, Ձեր երգերի միջոցով ինչի՞ց կբողոքեիք:

– Անտարբերությունից …   Մարդկանց անտարբերությունից:

Հեղինակ` ՍԵԴԱ ՂՈՒԿԱՍՅԱՆ

Բաժին: Հարցազրույցներ, Մամուլ